Isa 61 | ZomZIV | STEP | Mizawngte tungah lungdamna thu hilh dingin TOPA in kei sathau hong nilh khin ahi manin Thupipen TOPA ’ Kha kei tungah a om hi. Amah in lungsim kitamte khui kik ding, sal-a kimante suahtak nading le thong a kiate khahkhiat nading tangko ding,

Isaiah 61

TOPA Angvan Kum

1 Mizawngte tungah lungdamna thu hilh dingin ^a
TOPA in kei sathau hong nilh khin ahi manin ^b
Thupipen TOPA’ Kha kei tungah a om hi. ^c
Amah in lungsim kitamte khui kik ding, ^d
sal-a kimante suahtak nading le ^e
thong a kiate ^{▼▼61.1 Hebrew le Septuagint ah mittaw} khahkhiat nading tangko ding,
2 TOPA angvan kum le ^g
eite Pasian phulak ni tangko-a, ^h
a thumte khempeuh hehnemin,
3 Zion-a om a dahte huhin -
amau lutungah vut tangin
kumpi lukhu a khusak ding, ⁱ
thumna tangin nuamna sathau, ^j
le lungkiatna kha tangin
phatna puan a pia dingin
kei hong sawl zo hi.
ama thupina a kilat nadingin ^k
amaute, TOPA suansa
thumaanna tehno kungte, kici ding hi. ^l
4 Amaute in tanglai-a kisiasate bawlpha in, ^m
a maimangsate a ding kiksak ding uh hi;
amaute in khuapi kisiate puah kikin,
khang tampi a maimangsa khuapite a puahpha ding uh hi.
5 Pemtate in na tuuhonte uh cing ding uh a; ⁿ
gamdang mite in na lo uh le na lenggui lote uh a kho ding uh hi.
6 Tuateh note, TOPA’ siampite hong kici dinga, ^o
Pasian’ nasemte ci-in hong kilo ding hi.
Minamte neihsa-in na kivak ding uh a, ^p
amaute hauhna na kisaktheihpih ding uh hi.
7 Ka mite in amau maizumna tangin
a zahnih tang ding uh a, ^q
amaute mindaina tangin
amau luahna nuam a sa ding uh hi;
tua ciangin amau gamah a zah nih luah ding uh a, ^r
tawntung nopsakna amau aa hi ta ding hi. ^s
8 Ahang in, keimah TOPA in thutang ka it a;
mite neihsa suhna le khialhna ka mudah hi.
Ka muanhuaina hangin amaute pahtakman ka pia dinga,
amaute tawh tawntung thukhun ka bawl ding hi.
9 Minamte lakah amaute suan le khakte kitangtheih dinga, ^t
amau suante mite lakah a kitang theih ding hi.
Amaute a mu peuhmah in
TOPA thupha piaksa minam ahilam a tel ding uh hi,” a ci hi.
10 TOPA sungah nuam ka sa mahmah a,
ka Pasian sungah ka kha a kipak hi.
Ahang in, zi neipa in siampipa bangin a lu a zep bang le,
suangmanpha-in monu a kizep bangin ^u
amah in hotkhiatna puante kei hong silhsak khin a,
thumaanna puantualpi-in kei hong zem khin hi. ^v
11 Ahang in, lei hoih in mengkhiasakin,
huan in khaici a posak bangin
Thupipen TOPA in minam khempeuh mai-ah
thumaanna le phatna a phulkhiasak ding hi. ^w